Updated March 19, 2019


 

Monday, March 25, 2019/ᓇᒡᒐᔾᔭ, ᒫᔾᔨ 25, 2019

Exhibitor set up and registration/ᑕᑯᑦᓴᐅᑎᑦᓯᔪᑦ ᐅᐸᓗᖓᐃᔭᕐᓂᖏᑦ ᐊᒻᒪ ᐊᑎᓕᐅᕐᓗᑎᒃ


Tuesday, March 26, 2019/ᐊᐃᑉᐹ, ᒫᔾᔨ 26, 2019

Themes: language KEEPERS and language leadership/ᑐᖕᖓᕕᐅᓗᑎᒃ ᐅᑯᐊ ᑲᑎᒪᕕᔾᔪᐊᕋᔭᖅᑐᑦ: ᐅᖃᐅᓯᕐᓂᑦ ᐱᓯᒪᑦᓯᔩᑦ ᐊᒻᒪ ᐅᖃᐅᓯᒃᑯᑦ ᓯᕗᓕᖅᑎᐅᓂᖅ

The creation of the territory brought new hopes for language and culture. Session 1 will look at the status and vitality of Inuktut over the last two decades and review some of the efforts and challenges to support its use and growth.

ᑖᓐᓇ ᓴᓇᔭᐅᓂᖓ ᐊᕕᒃᑐᖅᓯᒪᔫᑉ ᓴᖅᑭᑦᑎᔪᖅ ᓄᑖᒥᒃ ᓂᕆᐅᖕᓂᕐᒧᑦ ᐅᖃᐅᓯᕐᒧᑦ ᐊᒻᒪᓗ ᐱᖅᑯᓯᕐᓄᑦ. ᑲᑎᒪᓂᖅ 1 ᑕᑯᒋᐊᕐᓂᐊᖅᑐᑦ ᖃᓄᐃᑦᑑᓂᖓᓂᑦ ᐊᒻᒪ ᐆᒻᒪᑦᓯᐊᕆᓐᓂᖓᓂᑦ ᐃᓄᒃᑐᑦ ᐅᖃᐅᓯᐅᑉ ᐊᕐᕌᒍᓂ ᐊᕙᑎᓂ (20) ᐊᒻᒪ ᖃᐅᔨᓴᖅᑕᐅᓗᑎᒃ ᖃᓄᖅᑑᕈᑎᐅᓯᒪᔪᑦ ᐊᒻᒪ ᐊᑦᓱᕉᑎᐅᓯᒪᔪᑦ ᐃᑲᔪᕐᓱᐃᔾᔪᑎᐅᓇᓱᑉᐸᑦᑐᑎᒃ ᐊᑐᖅᑕᐅᓂᖓᓂᑦ ᐊᒻᒪ ᐱᕈᖅᐸᓪᓕᐊᓂᖓᓂᑦ.

Language leaders (language keepers) are doing a tremendous job in the promoting and supporting of Inuktitut and are making a difference, especially in their home communities. Session 2 will discuss how to best continue this support and solidify the path forward to ensuring this can happen at all levels

ᐅᖃᐅᓯᒃᑯᑦ ᓯᕗᓕᖅᑎᐅᔪᑦ (ᐅᖃᐅᓯᕐᓂᑦ ᑎᒍᒥᐊᖅᑏᑦ) ᐱᓕᕆᑦᓯᐊᑐᒻᒪᕆᐊᓘᕗᑦ ᐊᑐᖅᑕᐅᑎᑦᓯᓇᓱᐊᖅᐸᑦᑐᑎᒃ ᐊᒻᒪ ᐃᑲᔪᕐᓱᐃᕙᑦᑐᑎᒃ ᐃᓄᒃᑎᑐᑦ ᐅᖃᐅᓯᕐᒥᑦ ᐊᒻᒪ ᐱᕙᓪᓕᐅᑎᑦᓯᐊᖅᑐᑎᒃ, ᐱᓗᐊᖅᑐᒥ ᐊᖏᕐᕋᒥᓂ ᓄᓇᓕᒻᒥᓂ. ᑲᑎᒪᓂᖅ 2 ᐅᖃᐅᓯᖃᕐᓂᐊᖅᑐᑦ ᖃᓄᖅ ᑲᔪᓯᔭᐅᔪᓐᓇᓂᐊᕐᒪᖔᖅ ᐃᑲᔪᕐᓱᐃᓂᐅᕙᑦᑐᖅ ᐊᒻᒪ ᑕᖏᑖᖅᑎᑕᐅᓗᓂ ᐊᖅᑯᑎᖓ ᓯᕗᒧᑦ ᓇᓗᓇᐃᕐᓯᒪᖁᓪᓗᒍ ᑕᒪᓐᓇ ᓴᖅᑭᕐᓯᒪᔪᓐᓇᕐᓂᖓ ᓇᐅᒃᑯᑐᐃᓐᓇᑦᓯᐊᖅ

evening: Meet and greet/ᐅᓐᓄᒃᑯᑦ: ᑭᒃᑰᓂᖏᓐᓂᑦ ᑲᑎᑦᓯᓂᖅ ᐊᒻᒪ ᑐᖕᖓᓱᖃᑦᑕᐅᑎᓂᒃᑯᑦ

A meet and greet will be held in the early evening to welcome attendees.

ᑭᒃᑰᓂᖏᓐᓂᑦ ᑲᑎᓐᓂᖃᓛᖅᑐᑦ ᐊᒻᒪ ᑐᖕᖓᓱᖃᑦᑕᐅᑎᓗᑎᒃ ᐅᓐᓄᓕᕋᑖᒥ ᐅᐸᑦᑐᑦ ᑐᖕᖓᓱᖁᓪᓗᒋᑦ.


Wednesday March 27, 2019/ᐱᖓᔪᐊᑦ, ᒫᔾᔨ 27, 2019

Themes: language Learning, language Resources, and Language Planning/ᑐᖕᖓᕕᐅᓗᑎᒃ ᐅᑯᐊ ᑲᑎᒪᕕᔾᔪᐊᕋᔭᖅᑐᑦ: ᐅᖃᐅᓯᕐᓂᑦ ᐃᓕᓐᓂᐊᕐᓂᖅ, ᐅᖃᐅᓯᓕᕆᓂᒃᑯᑦ ᐃᑲᔫᑎᑦᓴᑦ ᐱᓕᕆᔾᔪᑎᒍᑦ, ᐊᒻᒪ ᐅᖃᐅᓯᓕᕆᓂᕐᒥᑦ ᐸᕐᓇᐃᓂᖅ

Language learning is happening at many levels – in childcare centers, in the school system (K-12), and in the public and private sectors; session 3 reviews what happened in past, what’s happening now, and what is needed to happen in the future to set a target that will increase the number of Inuktut speakers.

ᐅᖃᐅᓯᕐᓂᑦ ᐃᓕᓐᓂᐊᕐᓂᖅ ᓇᐅᒃᑯᑐᐃᓐᓇᑦᓯᐊᖅ ᐊᑐᖅᑕᐅᓕᖅᑐᖅ – ᐸᐃᕆᕕᓐᓂ, ᐃᓕᓐᓂᐊᕐᕕᓐᓂ (ᐱᒋᐊᓕᕋᑖᓂᑦ – ᒍᓚᐃ 12-ᓕᓐᓄᑦ), ᐊᒻᒪ ᒐᕙᒪᒃᑯᓐᓄᑦ ᐊᒻᒪ ᓇᒻᒥᓂᖃᖅᑎᓄᑦ ᐱᓕᕆᕝᕕᓐᓂ; ᑲᑎᒪᓂᕐᒥ 3 ᖃᐅᔨᓴᓛᖅᑐᑦ ᖃᓄᐃᓯᒪᒻᒪᖔᑕ ᐊᕐᕌᒍᓂ ᐊᑐᕐᓯᒪᔪᓂ, ᒫᓐᓇᒃᑯᑦ ᐊᑐᖅᑕᐅᓕᖅᑐᓂᑦ, ᐊᒻᒪ ᖃᓄᖅ ᐊᑐᕆᐊᖃᓛᕐᒪᖔᑕ ᓯᕗᓂᒃᓴᑎᓐᓂ ᑐᒑᕋᒐᓕᐊᕈᑎᓂᐊᖅᑕᒥᓂᒃ ᐊᒥᓱᕈᖅᐸᓪᓕᐊᖁᓪᓗᒋᑦ ᐅᖃᐅᕈᓐᓇᖅᑐᑦ ᐃᓄᒃᑐᑦ ᐅᖃᐅᓯᕐᒥᑦ.

There are many Language resources being utilized to assist in the promotion, preservation and revitalization of Inuktut such as books, music, TV and radio programs and other cultural materials. Session 4 will show how effective these resources can be. In order to continue promoting and supporting the widespread use of Inuktut, language planning needs to be paramount so that there is a conducive environment for use of Inuktut. Session 5 follows a motivational process where participants can set objectives, realistic targets and activities.

ᐊᒥᓱᑦ ᐅᖃᐅᓯᕐᒧᑦ ᓱᓇᒃᑯᑖᑦ ᐊᑐᖅᑕᐅᓕᕐᒪᑕ ᐃᑲᔪᖁᓪᓗᒋᑦ ᐱᔪᒥᓴᐃᓂᕐᒧᑦ, ᖁᒥᐅᔾᔨᓂᕐᒧᑦ ᐊᒻᒪ ᐆᒻᒪᖅᓴᐃᓂᕐᒧᑦ ᐃᓄᒃᑐᒻᒥᑦ ᓱᕐᓗ ᕿᒥᕐᕈᐊᑦ, ᓂᔾᔭᐅᑏᑦ, ᑕᕐᕆᔭᒐᐃᑦ ᐊᒻᒪ ᓈᓚᐅᑏᑦ ᐊᒻᒪ ᐊᓯᖏᑦ ᐱᖅᑐᓯᕐᒨᓕᖓᔪᑦ ᑭᓱᑐᐃᓐᓇᐃᑦ. ᑲᑎᒪᓂᖅ 4 ᑕᑯᑦᓴᐅᑎᑦᓯᓂᐊᖅᑐᑦ ᖃᓄᑎᒋᑦ ᐱᕙᓪᓕᐅᑎᒍᓐᓇᕐᒪᖔᑕ ᐱᓕᕆᔾᔪᑎᒍᑦ ᐃᑲᔫᑎᑦᓴᐅᔪᓐᓇᖅᑐᑦ. ᐊᑐᖅᑕᐅᖏᓐᓇᖁᓂᐊᖅᑐᒍ ᐊᒻᒪ ᐃᑲᔪᕐᓱᖅᑕᐅᖏᓐᓇᖁᓂᐊᖅᑐᒍ ᓇᒥᑐᐃᓐᓇᑦᓯᐊᖅ ᐊᑐᖅᑕᐅᕙᓐᓂᖓ ᐃᓄᒃᑐᑦ, ᐅᖃᐅᓯᓕᕆᓂᕐᒥᑦ ᐸᕐᓇᐃᓂᐅᔪᑦ ᐱᒻᒪᕆᐅᒋᐊᖃᕐᓂᐊᖅᑐᑦ ᐊᕙᑎᖃᖁᓂᐊᕈᑦᑎᒍ ᐊᑐᖅᑕᐅᕙᓐᓂᖓ ᐃᓄᒃᑐᑦ. ᑲᑎᒪᓂᖅ 5 ᒪᓕᓐᓂᐊᖅᑐᖅ ᐅᐸᓗᖓᐃᔭᖅᑎᑕᐅᓗᑎᒃ ᐱᖃᑕᐅᔪᑦ ᐋᖅᑭᑦᓱᐃᔪᓐᓇᕐᓗᑎᒃ ᑐᕌᒐᕆᔪᒪᔭᒥᓂᒃ ᐱᓕᕆᓂᒃᑯᑦ, ᓱᓕᔪᓂᑦ ᑐᕌᒐᖃᕐᓗᑎᒃ ᐊᒻᒪ ᐱᓕᕆᕈᓘᔭᖅᐸᓪᓗᑎᒃ.

evening: Inuktut Language Achievement Awards/ᐅᓐᓄᒃᑯᑦ: ᐃᓄᒃᑐᑦ ᐅᖃᐅᓯᕐᒧᑦ ᐱᔭᕇᖅᓯᓂᕐᒧᑦ ᐃᓕᓴᕆᔭᐅᔾᔪᑏᑦ

A celebration will be held to honour those leading the field in the use and promotion of Inuktut. The event will be sponsored by IUT.

ᓇᓪᓕᐅᓂᕐᓯᐅᕐᓂᖃᓛᖅᑐᑦ ᐅᐱᒋᔪᒪᓪᓗᒋᑦ ᑕᐃᒃᑯᐊ ᓯᕗᓕᖅᑎᐅᕙᑦᑐᑦ ᐊᑐᖅᑕᐅᓂᖓᒍᑦ ᐊᒻᒪ ᐊᑐᖅᑕᐅᖁᕙᓐᓂᖓᒍᑦ ᐃᓄᒃᑐᑦ. ᖃᓄᐃᓕᐅᕐᓂᐅᓛᖅᑐᖅ ᐊᑭᓕᕐᓱᖅᑕᐅᓛᖅᑐᑦ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᐱᓕᕆᕝᕕᖏᓐᓄᑦ.


Thursday, March 28, 2019/ᕿᑎᖅᑰᑦ, ᒫᔾᔨ 28, 2019

ThemeS: Language Revitalization, languagE Attitudes, and Our Goals For the Next 20 Years/ᑐᖕᖓᕕᐅᓗᑎᒃ ᐅᑯᐊ ᑲᑎᒪᕕᔾᔪᐊᕋᔭᖅᑐᑦ: ᐅᖃᐅᓯᕐᒥᒃ ᐆᒻᒪᕐᓴᐃᓂᕐᒧᑦ, ᐅᖃᐅᓯᒃᑯᑦ ᐱᐅᓯᐅᔪᑦ, ᐊᒻᒪ ᑐᕌᒐᕆᔭᕗᑦ ᐊᕐᕌᒍᓂ ᐊᕙᑎᓂ (20)

There are many creative ways being used to revitalize Inuktut. This session will impress the importance of grassroots initiatives and the significance of collaboration along with the need for communities and government to collaborate and work together.

ᐊᒥᓱᑦ ᐋᖅᑭᒃᑕᐅᔪᓐᓇᖅᑐᑦ ᐊᑐᖅᑕᐅᔪᓐᓇᖅᑐᑦ ᐊᑐᖅᑕᐅᖕᒪᑕ ᐆᒻᒪᖅᓴᐃᓂᕐᒧᑦ ᐃᓄᒃᑐᒻᒥᒃ. ᑖᓐᓇ ᑲᑎᒪᔨᑦ ᐋᖅᑭᒃᓯᓂᐊᖅᐳᖅ ᐱᒻᒪᕆᐅᓂᖓᓂᒃ ᐱᒋᐊᓕᓵᕐᓂᕐᒥᒃ ᐱᓕᕆᐊᒃᓴᓂᒃ ᐊᒻᒪᓗ ᐱᒻᒪᕆᐅᓂᖓᓂᑦ ᐱᓕᕆᖃᑎᖐᖕᓂᖅ ᐃᓚᐅᓪᓗᓂ ᐱᓯᒪᔭᕆᐊᖃᕐᓂᖏᑦ ᓄᓇᓕᖕᓂᑦ ᐊᒻᒪᓗ ᒐᕙᒪᒃᑯᑦ ᐋᖅᑭᒃᓱᐃᖃᑎᒌᒡᓗᑎᒃ ᐊᒻᒪᓗ ᐱᓕᕆᖃᑎᒌᒡᓗᑎᒃ.

A shift to be more positive and change attitudes is needed as some communities are becoming complacent and choosing English over Inuktut. This session will take a cultural perspective and find the balance in attitudes and look at the promotion of the benefits of bilingualism with the understanding that it is acceptable to speak Inuktitut.

ᓴᖑᓗᑎᒃ ᐱᐅᑦᑎᐊᕐᓂᖅᓴᒧᑦ ᐊᒻᒪᓗ ᐊᓯᔾᔨᕐᓗᒋᑦ ᐃᒃᐱᒋᔭᐅᓂᖏᑦ ᐱᓯᒪᔭᕆᐊᖃᕐᓂᖏᑦ ᐃᓚᖏᑦ ᓄᓇᓖᑦ ᐱᓕᕆᑦᑎᐊᖏᑉᐸᓪᓕᐊᓕᕐᓂᖏᓐᓄᑦ ᐊᒻᒪᓗ ᓂᕈᐊᕆᔭᖃᕐᓂᖅᓴᐅᓕᖅᖢᑎᒃ ᖃᓪᓗᓈᑐᑦ ᐃᓄᒃᑐᒻᒥᑦ. ᑕᕝᕙᓂ ᑲᑎᒪᐅᑎᖃᕐᓂᐊᖅᑐᑦ ᐃᓕᖅᑯᓯᓕᕆᓂᒃᑯᑦ ᐃᓱᒪᒋᔭᐅᔪᓂᑦ ᐊᒻᒪ ᓇᓂᓐᓇᓱᓪᓗᒍ ᓇᓕᒧᓐᓂᕆᔭᖏᑦ ᐱᐅᓯᐅᔪᑦ ᐊᒻᒪ ᑕᑯᒋᐊᕐᓗᑎᒃ ᐊᑐᖅᑕᐅᖃᑦᑕᖁᔨᓂᐅᔪᖅ ᐅᖃᐅᓯᕐᓂᒃ ᐊᑕᐅᓯᐅᖏᑦᑐᒥᑦ ᑐᑭᓯᐅᒪᔪᖃᑦᓯᐊᑎᓪᓗᒍ ᓈᒻᒪᓐᓂᖓᓂᑦ ᐅᖃᓕᒪᔪᖃᖅᑎᓪᓗᒍ ᐃᓄᒃᑎᑐᑦ.

A framework / structure is required so that people can come away from the conference with knowledge and tangible ways and strategies to make things happen. In this session, Speakers will provide “how-to’s” and inspire participants through sharing their examples. This will lead to developing realistic and achievable goals and strategies that will strengthen the use and preservation of Inuktitut for the long term.

ᑐᙳᕕᖓ/ᐋᖅᑭᒃᓯᒪᓂᖓ ᑕᐃᒪᐃᑦᑕᕆᐊᖃᖅᐳᖅ ᐃᓄᐃᑦ ᑲᑎᒪᓂᕐᒥᑦ ᐊᓂᒍᑎᒃ ᖃᐅᔨᓴᓂᖃᓕᕐᓗᑎᒃ ᐊᒻᒪᓗ ᑕᐅᑐᙵᐊᕐᓇᖅᑐᓂᒃ ᐊᒻᒪ ᐊᑐᒐᒃᓴᓂᒃ ᑕᐃᒪᐃᓪᓚᑦᑖᖁᓪᓗᒋᑦ. ᑖᕝᕙᓂ ᑲᑎᒪᓂᕐᒥᑦ, ᐅᖃᓪᓚᒃᑏᑦ ᑐᓂᓯᓂᐊᖅᑐᑦ “ᖃᓄᖅ−ᐃᒪᐃᓕᐅᕐᓂᖅ” ᐊᒻᒪᓗ ᐱᔪᒥᒍᓱᓕᖅᑎᑦᑎᓗᑎᒃ ᐃᓚᐅᔪᓂᒃ ᑐᓴᒃᑲᐃᓂᖏᓐᓄᑦ ᐃᒪᓐᓇᐅᔪᓐᓇᕐᓂᕐᒥᒃ. ᑖᒪᓐᓇ ᐊᑐᖅᑕᐅᓇᓱᒃᑐᖅ ᓴᓇᓂᐊᖅᑐᖅ ᓱᓕᔪᓂᒃ ᐊᒻᒪ ᑎᑭᑕᐅᔪᓐᓇᖅᑐᓂᒃ ᑐᕌᒐᕐᓂᒃ ᐊᒻᒪᓗ ᐊᑐᒐᒃᓴᓂᒃ ᓴᙱᒃᑎᓴᐃᓂᐊᖅᑐᑦ ᐊᑐᕐᓂᕐᒥᒃ ᐊᒻᒪᓗ ᖁᒥᐅᔾᔨᓂᕐᒥᒃ ᐃᓄᒃᑎᑐᑦ ᐊᑯᓂᐊᔪᒃᑯᑦ.

evening: Closing Gala and Entertainment/ᐅᓐᓄᒃᑯᑦ: ᒪᑐᓯᔾᔪᑎᐅᑉ ᖃᓄᐃᓕᐅᕈᑎᖓ ᐊᒻᒪ ᑭᐱᖕᖑᐃᔭᐃᔨᑦᓴᑦ

The closing gala, supported by Alianait Entertainment Group, will provide an opportunity for Nunavut performers to close the event in style!

ᒪᑐᓯᔾᔪᑎᐅᑉ ᖃᓄᐃᓕᐅᕈᑎᖓ, ᐃᑲᔪᕐᓱᐃᔾᔪᑎᖃᖅᑐᑎᒃ ᐊᓕᐊᓇᐃᑦ ᑭᐱᖕᖑᐃᔭᐃᔨᓂᑦ, ᐱᕕᖃᖅᑎᑦᓯᓂᐊᖅᑐᑦ ᓄᓇᕗᑦ ᑭᐱᖕᖑᐃᔭᐃᔨᖏᓐᓂᑦ ᒪᑐᓯᑎᑕᐅᓗᑎᒃ ᖃᓄᐃᓕᐅᕈᑎᒥᑦ ᐱᔾᔪᓯᒻᒪᕆᐅᔪᒥᑦ ᐊᑐᕐᓗᑎᒃ!